Ola nenos e nenas, hoxe despedimos as propostas do blog
e propoñémosvos un experimento moooi fresquiño co que seguro
o ides a pasar mooi ben. Para realizalo precisaredes:
-Auga
-Colorante alimentario
-Vasos (tantos coma cores queirades crear).
-Unha bandexa de xeo
-Papel
-(OPCIONAL) Paus de xeado/depresores. Incluso podedes
empregar pinzas de madeira desmontadas.
Primeiro botaredes unha pouquiña auga en cada vaso e engadirédeslle
o colorante (unha cor en cada vaso ou mezclado para crear novas cores).
É importante engadirlle bastante colorante para que o trazo ao pintar
sexa máis forte.
Unha vez que teñades preparadas as cores, poñédeas na bandexa do xeo
(se queredes podedes introducir un pau en cada oco) e metédea no conxelador.
E cando estea ben conxelado .... a pintar!
Outra actividade con xeos sería a seguinte:
En diferentes recipientes introduciremos elementos naturais como
follas, flores, anacos de froita, ramas,… faremos unha composición que
nos guste, engadiremos auga e… ao conxelador!
Podemos poñer o extremo dun cordón forte (tipo "trapillo" ou cordón dos zapatos)
dentro da auga deixando o outro fóra para que cando o saquemos conxelado
poidamos colgalo nunha árbore, nun muro…
Teremos que esperar ata o día seguinte para que estea conxelado.
Sacarémolo e poñerémolo no lugar escollido e admiraremos a nosa obra de arte.
Observaremos canto tempo necesitou estar no conxelador e canto tempo
tardou en desconxelarse.
Con esta actividade tan fresquiña pechamos o blog e desexámosvos que pasedes un
verán magnífico, onde non debedes esquecer divertirvos e aproveitar para dar
e recibir mimiños.
