Bó día nenos e nenas!
Hoxe vos propoñemos rasgar/cortar e superpoñer papel para obter personaxes sorpresa
coma os das fotos.
É moi sinxelo: colledes unha folla de papel (pode ser un folio coloreado, unha páxina de prensa…)
e dobrádela en 4, como moitas/os de vós facedes cos vosos paniños de tea ao rematar o almorzo,
por exemplo.
En canto teñades a folla dobrada (en función da autonomía de cada un/unha coas tesoiras)
podedes facer pequenos cortes con distinas formas ou rasgar e arrincar anaquiños nun ou varios
dos seus lados. Ao desdobrala e poñea enriba doutra folla lisa, atoparedes un montón de buratos
sorpresa, que poderedes deixar baleiros ou encher coa vosa imaxinación, pinturas ou recortes
sobrantes (converténdoos en ollos, cellas, dentes…)
