ATRAPASOÑOS

 Ola nenos e nenas!!!

 Sabedes  o que é un atrapasoños?

Os atrapasoños teñen a súa orixe nas tribus indias americanas . 

A lenda di que serven para manter con nós as boas ideas, os soños agradable 

e axudan a protexernos nestes días difíciles.

PODES FACER UN PARA ATRAPAR OS SOÑOS E AS BOAS IDEAS?

PODES EMPREGAR OS MATERIAIS QUE QUEIRAS.

E agora… só tes que colocalo no cabezal da túa cama e a durmir!!!

 Para completar a actividade podes ver o videoconto “ las llaves de los sueños”.

https://www.youtube.com › watch 

 

PROPOSTA DE RETOS PSICOMOTRICES 2

PUNTERÍA DE CORES

Material: Papeis de cores, pedra ou similar

Desenvolvemento: Colocamos os folios ou cartolinas de cores e algún pequeno obxecto 

que non rode. Trátase de colocar os folios no chan e dar instrucións para que a nena ou 

neno lance o obxecto dentro de un ou outro color.

CONFÍA EN MIN

Material: Pano

Desenvolvemento: En parellas collémonos da man. Un membro da parella vai cos ollos 

vendados e deixase guiar polo que non ten os ollos tapados. Hai que camiñar por toda 

a casa evitando chocar con mobles, paredes ou obxectos que poida haber. 

Invertir os roles.

CANCIÓN MOTORA: PROPOSTAS PRÁCTICAS

SON UNHA TAZA.

Coa canción aos nenos e nenas, que imitarán os xestos que o adulto 

marca e así aprenderán a canción. Os xestos do corpo consistirán en imitar co corpo 

algunhas cousas nomeadas na canción.

Soy una taza, una tetera, una cuchara, un cucharón, un plato hondo, un plato llano,

 un cuchillito, un tenedor. Soy un salero, un azucarero, la batidora, una olla exprés, 

chu chu.

IMITANDO A GIUSSEPE ARCIMBOLDO

­­­

Ola nenos e nenas!, acordádevos cando no cole fixemos a actividade 

de elaborar caras con elementos da natureza?

Pois a proposta para hoxe vai ser similar.

Propoñémosvos que elaboredes un neno ou nena, pero non só a cara senón todo 

o corpo enteiro.

Como estamos na casa, esta vez imos empregar 

elementos que teñamos pola casa: libros, 

bolígrafos, pinzas… e todo aquilo que se vos ocorra,

 pero tede coidado non coller ningún elemento que poda romper e facervos dano. 

Tedes que decidir que obxecto usaredes para a cabeza? que poderiades  poñer de ollos?

 e que usaredes para os brazos?...

 Mirade o que fixemos nós!

Seguro que quedarán xeniais!!!.  Ahhhh, acordádevos de poñerlle un nome, 

ao noso chamámoslle Peludín.

QUEBRACABEZAS

Ola nenos e nenas, hoxe propoñémosvos facer quebracabezas caseiros. 

É moi sinxelo: só tedes que buscar caixas, briks, ou envoltorios de alimentos 

que non utilicedes e recortalos en anaquiños, despóis mesturádelos e 

intentades montalos de novo.

Deixámosvos un exemplo para que vos resulte máis doado.

A LENGA DO XANDUCA

Ola nenas e nenos!

No cole aprendemos de vós moitas palabras novas coas que lle poñedes nome 

a personaxes e xoguetes, coas que vos facedes entender…

Sabemos que non hai lingua que se vos resista, e preguntámonos 

se coñecedes a “lenga-lenga do xanduca”? ;) 

Animádevos a intentar repetir o estribillo?

“TUM TUM, PISCATUNGA TÁ, PISCATUNGA LARIBÉ, PISCATUNGA TINGA!

OÉ BERIBERI BERIBÉ PISCATUNGA LARIBÉ PISCATUNGA TÁ!” 

Qué rápido soan!  E que poden significar? “Laribé” será un sitio, unha comida, unha nena…? 

E “piscatunga” será unha planta, unha palabra máxica, un xoguete...? 

Tamén podedes inventar o seu significado e debuxalas

XARDÍN COLGANTE

 

Nenos e nenas de Roxos imos plantarrrr!!!!!

Temos que entender o importante que é para a conservación do medio 

ambiente a reutilización dos desfeitos. Empregaremos botellas, caldeiros 

rotos ou outros obxectos que teñades na casa e que seguraménte tiñan que 

formar parte do lixo pero … imos rescatalos!!! MENOS LIXO!!!

Temos que encher de terra o obxecto e podemos prantar aromáticas como 

perexil, tomiño… fabas, tomates, amorodos… ou prantas con flor como 

xeranios, margaridas, ... ou as prantiñas que naceron da experiencia da 

xerminación que propuxemos fai días. 

O importante é que vos acordedes de que teñen que beber cada día un

pouquiño para podelas ver crecer.

Se queredes podémolas traer ao cole cando volvamos para adornar o noso 

xardín. Quedará precioso !!!

O BOTE DA ALEGRÍA

Ola a todas e todos , para facer a proposta de hoxe debedes pensar un pouquiño…Tedes que recordar e pensar en que cousas vos poñen moi alegres, 

como  por exemplo estar cos amigos, comer pizza…

Pensáchedelo?

Pois agora toca facer o noso tarro, bote ou caixa da alegría. 
Que como se fai?

1º Decorade unha caixa ou bote coas cores que mais vos gusten 

2º Todas esas cousiñas que pensáchedes que vos poñen alegres tédelas que 

escribir ou debuxar (cada unha nunha  tarxetiña de papel)

3º Metemos todas as tarxetiñas no bote da alegría

4º Poñémoslle ao tarro unha etiqueta coa palabra ALEGRÍA, así recordaremos 
que podemos abrilo sempre que precisemos recordar cousiñas que nos poñen 
alegres.

Esta proposta non se acaba hoxe… esperamos que tódolos días sintades alegría 

vos acordedes de escribir ou debuxar a tarxeta e ... gardala no bote da alegría.

Esperamos que  moi pronto esté cargadiño!!!!!

ANIMAIS MÁXICOS

Bó día nenas e nenos, hoxe queremos compartir con vós este conto:

  

https://www.youtube.com/watch?v=lZ7jcu2hIQU

E vós, que animais máxicos inventaríades? Podedes debuxalos e colorealos ou buscar imaxes 

de distintos animais en revistas e folletos e recortar distintas partes dos seus corpos 

mesturándoas… 

E ao rematar, non esquezades escribir os nomes das vosas criaturas! ;)

Celebración día das letras galegas

Ola nenos e nenas, hoxe imos facer unha proposta especial. O próximo domingo, 17 de maio, en Galicia celébrase o día das letras galegas, día moi importante para a nosa lingua. Cada ano, ese día, recórdase e homenaxease a unha persoa que destaque pola súa creación literaria e pola defensa da lingua galega.De aí que empecemos cargándonos de enerxía escoitando e bailando con "Brinca Vai!": Meu o mundo é!
 
MEU O MUNDO É! - Cantiga de Brinca Vai!

Xa estamos todos e todas animadas? pois agora imos coñecer unha obra do autor ao que se dedica este ano o día das letras galegas: Ricardo Carvalho Calero.Trátese da historia “As pitas baixo a choiva”. Premede no enlace para vela e escoitala e …. 
non esquezades facer o reto final proposto.

AS PITAS BAIXO A CHUVIA - Conto de Carvalho Calero

Bicos